الأربعاء، 17 أبريل، 2013

كدة صح ياعسل ... وكدة غلط ياموكوسة..للبنات بس:)

السلام عليكم ورحمة الله وبركاتة





عايزاكوا بقى ياقمرات تفتحوا مخكم معايا كدة وترحموا بعاليلكم شوية
وقدمى السبت عشان تلاقى كل ايام الاسبوع بعد كدة



1-عايزين بيض ولبن ودقيق و............. الخ
وانت جاى


وانت جاى ياتوتى لو سمحت هات معاك بيض ولبن ودقيق.......... الخ


2-اول مايدخل من الباب

الحق البت بنت التيييييت عملت وسوت وبهدلت الدنيا

بعد مايدخل وياكل ويرتاح تصور ياحبيبى النهاردة البت فلانة عملت وسوت وبهدلت الدنيا


3-على فكرة بكرة اعمل حسابك هنتغدى عند ماما هااااااااااااا

حبيبى ماما عازمانا بكرة على الغدا تحب نروح؟


4-انت بقالك ييجى سنة مودتناش فى اى داهية نتفسح ولا نشم هوا انا اتخنقت من العيشة

توتى انا نفسى اروح اشم هوا فى اى حتة شوف كدة تبقى فاضى امتى او ليك مزاج ونروح ماشى؟

5-هو انت كل حاجة شغلك صحابك امك ابوك وانا الخدامة اللى امك جابتهالك ولا اية؟


حبيبى انت بتوحشنى قوى متتاخرش عليا بالليل ياقطتى

6-يعنى مفيش مرة تخزى عين الشيطان وتيجى معايا وانا بشترى ليا نيلة هدوم؟


توتى انا بقى المرة دى مش هروح اشترى حاجة لوحدى انا عايزة البس حاجة على زوقك مش عارفة بحس ان زوقك احسن منى فى الحاجة دى



7-لا هروح لصاحبتى النهاردة يعنى هروح انا اتخنقققققققققت

انا فلانة صاحبتى وحشتنى قوى ياتوتى وعايزة اروح اشوفها النهاردة ممكن ولا اخليها يوم تانى؟


8- نعععععم !!!!!!!!!! متاخرش برة عن الساعة 8 لية ان شاء الله عيلة بريالة قدامك؟

مكنتش اعرف انك بتخاف عليا قوى كدة دة انت طلعت بتحبنى وانا مش واخدة بالى بقى
حااااااااضر



عارفاكوا هتموتوا طبعا وتعرفوا مين توتى دة ؟

بس مش هقولكوا

ليست هناك تعليقات:

إرسال تعليق